LlGC Llsgr. Peniarth 19 – tudalen 46r
Brut y Brenhinoedd
46r
185
eu ỻad y kymerth e|hun coron
y deyrnas a ỻywodraeth yr ynys
o gỽbyl. a gỽedy menegi hyn+
ny y gustennin. Sef a|oruc
ynteu anuon trahaearn e+
wythyr elen a their ỻeg o
wyr aruaỽc ganthaỽ y ores+
gyn yr ynys dracheuyn. A
gỽedy dyuot trahaearn y|r
tir y|r ỻe a|elwir kaer beris
y kafas y dinas hỽnnỽ kynn
penn y deu·dyd. A phan gi+
gleu eudaf hynny. kynnuỻ+
aỽ ỻu maỽr o ymladwyr y+
nys brydein a|oruc. a dyuot
yn|y erbyn hyt yn ymyl ka+
er wynt y ỻe a|elwir yr aỽr+
honn maes uryen. Ac yna y
bu vrỽydyr y·rygthunt. ac
y goruu eudaf. ac y kafas
y vudugolyaeth. ac yny oed+
ynt vriỽedic a|ỻadedic y wyr
ffo a|oruc trahaearn y logeu.
Ac yna drỽy voraỽl hynt y
doeth hyt yr alban. a dechreu
anreithaỽ y gỽladoed a|e ỻos+
gi a ỻad y bileinỻu. A phan
gigleu eudaf hynny. Sef a
oruc ynteu yr eilweith kyn+
nuỻaỽ ỻu a mynet yn|y ol
ynteu hyt yr alban. ac yn|y
wlat a|elwir westymer rodi
brỽydyr y drahaearn. Ac eis+
syoes kilyaỽ o|r vrỽydyr a|oruc
eudaf heb uudugolyaeth. Sef
186
a|wnaeth trahaearn yna er+
lit eudaf o le y le ar|hyt ynys
brydein. yny duc y arnaỽ y
dinassoed a|r keyryd a|r kes+
tyỻ a|r|gwladoed a choron
y deyrnas. a gỽedy digyuoe+
thi eudaf yd aeth hyt yn
ỻychlyn. Ac eissyoes tra yt+
toed ef ar y dehol hỽnnỽ.
sef a|oruc adaỽ gan y gedym+
deithon a|e gereint ỻauur+
yaỽ y geissaỽ diua trahae+
arn. ac y·sef a|wnaeth cara+
daỽc Jarỻ y kasteỻ kadarn
kanys mỽyaf o|r byt y karei
ef eudaf. mal yr oed drahae+
arn yn mynet diwarnaỽt
o lundein. Sef a|wnaeth yr
Jarỻ hỽnnỽ ar y ganuet mar+
chaỽc ỻechu y|myỽn glynn
coedaỽc y ford y deuei dra+
haearn. Ac yn|y ỻe hỽnnỽ
ymplith y gytuarchogyon
y ỻas trahaearn. A phan
gigleu eudaf hynny ym+
choelut a|wnaeth hyt yn y+
nys brydein. a gỽasgaru
y ruuein·wyr ohonei. a gỽ+
isgaỽ e|hun coron y deyrn+
as. ac ar vyrder ymgyuoe+
thogi a|oruc o eur ac ary+
ant a chyuoeth hyt nat oed
haỽd kaffel neb a vei arnaỽ
ef y ofyn na|e eryneic. Ac o
hynny aỻan y kynhelis eudaf
| « p 45v | p 46v » |