Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 63v

Brut y Brenhinoedd

63v

259

blygir y sarf dan y ỻosgỽrn. ac
o|e gỽenỽyn y byd marỽ. Yn ol
hỽnnỽ y daỽ baed totneis. ac
o|e greulaỽn lỽybyr y kywar+
sagha y bobyl. Kaer loeỽ a
drycheif ỻeỽ. yr hỽnn a aflon+
yda o amryuaelon ymladeu
hỽnnỽ a sathyr dan y draet. ac
o agoredigyon wefusseu ef a|e
haruthra. O|r diwed y kywae+
tha y ỻeỽ. a chefneu y bonhed+
igyon a|esgyn. Odyna y daỽ
tarỽ gỽythlaỽn. ac y tereu y
ỻeỽ a|r droet deheu. Hỽnnỽ a
wrthlad y ỻeoed dielỽ y deyrn+
as. Y gyrn a dyrr muryoed
ryt ychet. ỻewynnaỽc kaer
dubal a|dial y ỻeỽ. ac a|e treu+
la oỻ a|e|danned. Neidyr kaer
lincol a|damgylchyna y ỻewyn+
naỽc. a|e chyndrycholder y laỽ+
eryon nadred a|dystir o aruthyr
chwibanat. Odyna yd ymlad+
ant y dreigeu. a|r neill a vriỽ
y ỻaỻ. Yr adeinyaỽc a gywar+
sagha yr honn heb danned. a|e
gỽenỽynic ewined a wasc yn|y
geneuoed. Ereiỻ a|daỽ y|r ym+
lad. ac araỻ a lad hỽnnỽ. Y pym+
het a nessa y|r ỻadedigyon. ac
o amryuael geluydodeu a|e
briỽ. Odyna yd esgyn kefyn
un y·gyt a chledyf. ac y gỽa+
hana y penn y ỽrth y corff. yny
vo diodedic y wisc yd esgyn araỻ

260

a|e deheu. ac a|e bỽrỽ a|e assỽ. Hỽnnỽ
a|orchyvycka y noeth. pryt na aỻei
dim yn wisgedic. y rei ereiỻ a bo+
ena oc eu kefyn. ac yg|grymder
y deyrnas y kymeỻ. ar hynny y
daỽ ỻeỽ dan viglodi ofnaỽc o dir+
uaỽr dywalder. Teir pump rann
a|dỽc y vn ac e|hun a ved y bobyl.
kaỽr a echtywynycka o liỽ gỽynn
a|e bobyl wen a|e blodeuha. Te+
gycheu a wanhaa y tywyssogyon.
a|darostygedigyon a symudir
yn aniueileit mor. Yna y|dwyr+
haa ỻeỽ chỽydedic o dynaỽl greu.
Dan hỽnnỽ y dodir Jachỽyaỽ+
dyl yn yt. yr hỽnn tra lauuryo
o vryt a gywarsegir gan hỽn+
nỽ. Y|rei hynny a hedych* ker+
byt kaer efraỽc. ac a|esgynn
yn|y kerbyt gỽedy gỽrthlado y
arglỽyd. ac a|chledyf noeth y
gogyfedeu y dỽyrein. ac a|leinỽ
oleu y olỽynon o waet. Ody+
na y byd pysgaỽt yn|y mor. yr
hỽnn a vyd at·alwedic. Neidyr
a gyttya a hỽnnỽ. Odyna y
genir tri tharỽ ỻuchadennaỽc
y rei a symudant yn wyd gỽe+
dy treulont eu porueyd. y kyn  ̷+
taf a|arỽed frowyỻ gỽiberaỽl.
ac y·dan y|ganedigaeth yd|ym+
choel y gefyn. Dỽyn ffrowyỻ y
ganthaỽ a lauuryant ỽynteu.
ac y gan yr eithyaf yd agkreifir.
Ymchoelut bop eilwers y hwy+