LlGC Llsgr. Peniarth 190 – tudalen 10
Ystoria Lucidar
10
aỽr. kanny safaỽd yn|y wirioned. kanys
pan wnaethpỽyt y dygỽydaỽd. discipulus Paham na
bu ef hỽy yno no hynny. Magister Rac gỽarchadỽ
o·honaỽ dim o|r melyster o vyỽn. ac ynteu
yn|keissaỽ o dreis medyant kymeint a hỽnnỽ.
mor ebrỽyd a|hynny. discipulus Pa|beth a|bechaỽd yr
engylyon ereiỻ. Magister Kytsynnyaỽ ac ef. discipulus Pa
furyf a|oed ganthunt ỽy pei goruuassynt
ar|duỽ. Magister|Mal y goruydynt ỽynteu ar engyl+
yon ereiỻ. discipulus Beth a|daruu vdunt ỽy. Magister Y·gyt
ac ef y bỽryỽyt y rei pennaf o·nadunt y|r
ỻynn angheuaỽl yn uffern. Ereiỻ yn awyr tyỽ+
yỻ y byt hỽnn. a|e poeneu arnunt megys
yn vffern. discipulus Paham nat y uffern y bỽryỽyt
ỽynt oỻ. Magister Y brofi y|r etholedigyon drỽydunt
gan vot yn vỽy eu|gobrỽyeu. ac y dwyỻaỽ ere ̷+
iỻ gan eu rodi yn|y tan tragywyd yn|y varn
diwethaf. discipulus Paham nat ymchoelassant ỽy
drachevyn. Magister|Ny|s gaỻyssant. discipulus Paham. Magister.
am|dygỽydaỽ o·nadunt heb neb yn|y annoc
udunt. veỻy ny dylyynt ỽynteu gaffel nerth
| « p 9 | p 11 » |