LlGC Llsgr. Peniarth 190 – tudalen 30
Ystoria Lucidar
30
y brynu dyn. ac o chymerei gnaỽt dyn gỽan+
nach vydei. discipulus Paham na wnaeth ynteu dyn
araỻ o|r daear yn|ỻe adaf. Magister Pei gỽnelei
duỽ dyn araỻ o|r daear a|e rodi yn|y ỻe y per+
thynei arnaỽ brynu etiued adaf. a|dylyet
oed vot o|e genedyl e|hun a|wnelei iaỽn
drostaỽ. discipulus Paham nat anuones ynteu
badriarch neu broffỽyt. Magister Y padrieirch
a|r proffỽydi a gahat ac a anet ym pechodeu
ac ỽrth hynny ny eỻynt ỽy brynu kenedyl+
dyn. ac nyt reit eu prynu ỽynteu. ac am
na|dylyaỽd angel brynu dyn. ac na aỻei dyn
e|hun wneuthur iaỽn y duỽ y kymerth mab
duỽ kỽbyl o|dyn. megys yd oed deu anyan
idaỽ ef o gỽbyl. ac yna goruot ar gythreul
herỽyd y vot yn|duỽ. ac agori pyrth nef y|r
etholedigyon. a|e gỽneuthur yn|gyffelyb y|r
engylyon. ac o anyan dyn godef angheu
yn andylyedus yr hynn oed vỽy no|r byt.
ac oed dylyet ar dyn e|hun y wneuthur. discipulus
Paham ynteu y mynnaỽd duỽ y eni o|r
wyry.
| « p 29 | p 31 » |