LlGC Llsgr. Peniarth 32 (Y Llyfr Teg) – tudalen 149
Llyfr Iorwerth
149
Carthpren; keinhawc. kyfreith. Oc; keinhawc. kyfreith. Draenglỽyt; keinhawc.
cotta. Pop peth ar|ny bo gỽerth kyfreith arnaỽ; dam+
dỽng a vyd am·danaỽ.
G ỽerth y naỽ aelaỽt; gogyfurd yỽ. hynn
ar bop vn o|r deu·troet; chỽe|bu a chỽeuge+
int aryant. ar bop un o|r dỽylaỽ. a|r deu lygat.
a|r dỽy weuus a|r trỽyn. chỽe|bu a chỽeugeint
yn wahanedic a|daỽ. Gỽerth y clust o ỻedir;
dỽy vu a deugeint aryant. O chae ual na chly+
ỽho; chỽe|bu a chỽeugeint aryant. Gỽerth y
dỽy geiỻ; kymeint a gỽerth y naỽ aelaỽt go+
gyfurd. Gỽerth y tauaỽt e|hun; kymeint a
gỽerth hynny oỻ. kanys ef a|e hamdiffyn.
Gỽerth bys troet; buch ac vgeint aryant.
Gỽerth y vaỽt; dỽy vu a deugeint aryant.
Gỽerth y ewin; dec ar|hugeint. Gỽerth y
kugỽng uchaf o|r bys; chỽech ar|hugeint a
dimei. a|thraean dimei. Gỽerth y kygỽng per+
ued; pymthec a deugeint a dimei. a|deu·parth
dimei. Gỽerth y kygỽng issaf; pedwar ugeint.
a|hynny yỽ gỽerth y bys. Gỽerth pob vn o|r
ysgithred; dỽy vu a|deugeint aryant. kanys
bugelyd y danned ynt. Gỽerth pob vn o|r dan+
ned; buch ac ugeint aryant. a chymeint a
hynny oỻ ar y kyff e|hun. Sef yỽ y kyff; y
penn. a|r corff. a|r galy. kanys yr eneit a|eiỻ bot
| « p 148 | p 150 » |