LlGC Llsgr. Peniarth 32 (Y Llyfr Teg) – tudalen 203
Llyfr Iorwerth
203
bit berchennaỽc ef. a bit ryd kyfreith. y|r ỻaỻ O|deruyd. te+
bygu o dyn na bo kỽyn yr hỽn ny chỽyner yn|y
dyd anyanaỽl y gỽneler defnyd y kỽyn yndaỽ;
kyfreith. a|dyweit y vot yn gỽyn hyt ympen vn dyd
a blỽydyn; dyeithyr am ymlad ac ymsarhau.
O|deruyd. bot kyfnewit y·rỽng dyn ac araỻ. a their|bu
ar y helỽ. ac adaỽ o·honaỽ am y gyfnewit yr
honn ny|s mynnei ef o|r teir|bu. ac yn oet y tal;
y vot ynteu yn mynnu pob vn o|r teir|bu. ac o
hynny keissaỽ diuỽynaỽ yr haỽlỽr y da; kyfreith. a
dyweit ry adaỽ o·honaỽ na mynnei vn o|r teir
bu. pan dywaỽt. yr hon ny|s mynnỽyf|i. ac ỽrth
hynny bit dewis ac eil|dewis y|r amdiffynnỽr.
a|r tryded y|r haỽlỽr. O|deruyd y dyn dyỽedut yn
y dyd kyntaf yd holo tir a|daear. y vot yn|dyd
coỻi neu gael. ac o|r byd a|e hamheuo; bot idaỽ
digaỽn a|e gỽypo. a|dywedut o|r ỻaỻ. y dodei ef
ym·pen yr ygneit a|r gỽyrda. hyt na ry|vuas ̷+
sei arnaỽ ef eiryoet haỽl hyt y dyd hỽnnỽ. a
dodi ar kyfreith. na aỻei vot haỽl arnaỽ ef yn absen
y gỽyr hynny. ac yna y mae iaỽnach credu yr
ygnat a|r|arglỽyd. no gỽybydyeit yr haỽlỽr. ka+
nys anolo yỽ gỽybydyeit hebdunt. O deruyd y aỻ+
tut kymryt urdeu neu yspydỽryaeth. neu diỽhyỻ
araỻ heb ganhat y arglỽyd; ny rydha hynny
ef y ỽrth y geithiwet kyt dylyo eglỽys vot yn
| « p 202 | p 204 » |