LlGC Llsgr. Peniarth 32 (Y Llyfr Teg) – tudalen 207
Llyfr Iorwerth
207
gỽastat. a dimeu graỽn gỽenith yn|y chylch yn+
y|gudyo blaen y ỻoscỽrn. ac odyna y symut+
ỽyt ac y gỽnaethpỽyt arnei; pedeir keinhaỽc kyfreith.
O|deruyd. rodi gỽreic y wr. a gỽedy hynny; y dỽyn y
dat araỻ. a bot arglỽyd y tat y ducpỽyt idaỽ
yn mynnu amobyr yn herỽyd y gỽrha ry digo+
nes kyn·no|e dyuot ar y tat newyd yssyd idi. a
hitheu yn verch o|e ỽr ef. ac na ry gauas y hamo+
byr; kyfreith. a varn na|s dyly o deu achaỽs. vn yỽ; am ̷
na dylyir y wreic namyn vn amobyr. a ry
dalu o·honei hitheu hỽnnỽ. Eil yỽ; am na ỽr+
haaỽd yr pan dodyỽ ar y tat newyd yssyd idi.
A phy beth bynnac a wnel hi yn|y welygord y
bu gynt; ny dyly bot na haỽl nac arhaỽl yn|y
hol yn|y welygord araỻ yr|dodyỽ idi. O·ny thal+
aỽd hitheu y hamobyr y arglỽyd y tat a vu
idi gynt; talet y arglỽyd y tat newyd. kannyt
cỽbyl y dywedi yny daler y hamobyr. O|deruyd. bot
kytda y·rỽng ỻawer o dynyon. a|e dỽyn yn
ỻedrat. a gyrru o bob un onadunt y ỻedrat
ar neiỻtu o debygu dylyu gỽat y gan yr vn
dyn am yrr pob un; kyfreith. a|dyweit na|s|dylyant.
namyn gỽneuthur vn o·nadunt yn berchen+
naỽc haỽl a yrro dros baỽp onadunt. ac y
hỽnnỽ y mae iaỽn atteb. O|deruyd. y laỽer o|dynyon
coỻi eu da. ac na bo neb o·nadunt yngkyt a|e
| « p 206 | p 208 » |