LlGC Llsgr. Peniarth 32 (Y Llyfr Teg) – tudalen 65
Llyfr Iorwerth
65
deuent y deu amodỽr ygyt. a|dywedent eu ham+
mot ual y mynhont y wneuthur kỽdỽ* yr amot
ar y ỻun y hadaỽssant. O deruyd. y|dyn gỽneuthur
amot ac na mynho y gadỽ; ac na watto yr
amot. yr arglỽyd bieu kymheỻ y gadỽ ual y
hatuerho y amotwyr. O deruyd y dyn mynnu gỽa+
du amot. ac araỻ yn|y yrru arnaỽ. ac ynteu
e|hun yn|gỽadu; kyfreith; a|dyweit na daỽ onyt y lỽ
e|hun o|e wadu ony byd gỽrthtỽng arnaỽ. Os
gỽrthtỽng a uyd arnaỽ; galwet yr haỽlwr am
vraỽt. Sef a varn kyfreith; y lỽ ar y seithuet o|e wadu.
a|hynny ual y gỽatter mach. a|r|oet a vo ar reith
mach y vot ar hỽnnỽ. O deruyd. mynnu llyssu un o|r
reithwyr hynny. nyt lys arnaỽ namyn na
hanffo o|r genedyl. ae y vot ual na dylyho bot
yn reithwr idaỽ. Sef ual y dyly bot yn reithỽr
idaỽ; yn|gyn nesset idaỽ ac y talho galanas ygyt
ac ef. ac y kymero drostaỽ. ac ỽrth lỽ y reithwr
bot yn|wir y gerennyd. O deruyd. y dyn wneuthur
amot a|e gilyd heb amotwyr namyn a|r ỻaỽ
yn|y gilyd. a|r neiỻ yn mynnu gỽadu; ny daỽ
arnaỽ namyn y lỽ e|hun o|e wadu. O deruyd. y dyn
ym·adaỽ ac araỻ am beth yg|gỽyd tyston; a|myn+
nu y wadu o·honaỽ eilweith; nyni a|dywedỽn
na dyly ef y wadu yny baỻo y tyston y|r ỻaỻ.
O deruyd y dyn ym·adaỽ ac araỻ am beth heb dyston
| « p 64 | p 66 » |