LlGC Llsgr. Peniarth 32 (Y Llyfr Teg) – tudalen 92
Llyfr Iorwerth
92
herỽyd tydynneu; namyn herỽyd gardeu. ac o|r
byd tei arnaỽ; ny|s dyly y mab ieuhaf ỽynt
mỽy no|r hynaf. namyn eu rannu herỽyd yste+
uyỻ. Ny dyly neb attal gardeu ganthaỽ herỽ+
yd breint y teil. namyn un ulỽydyn. kanys
pob blỽydyn y dylyir eu teilaỽ. Branar; dỽy
vlyned y|dylyir y eredic. Brandeil; wir ueỻy.
Tir gỽyd; wir ueỻy. Buarthdeil; teir blyned.
Cardeil; pedeir blyned. Tir coet; wir ueỻy.
Branardeil; wir ueỻy. Ny dyly braỽt vot yn
goetỽr y|r braỽt araỻ. namyn talet idaỽ coet
kystal ac a|diodes ynteu. ac o·ny cheiff coet kys+
tal; talet o henuaes idaỽ kymeint a|r coet. ac
ony|cheiff henuaes; ardet yr hỽn ry diodes y
coet y arnaỽ pedeir blyned ef. ac o hynny aỻ+
an; rodhet o|e vraỽt kystal ac idaỽ e|hun o·ho ̷+
naỽ. Ny dyly neb gỽerthu tir na|e bridyaỽ heb
genhat arglỽyd; namyn ỻoget pob blỽydyn
os mynn. Gỽyr a vo dan abadeu. a|gỽyr a vo
dan esgyb; ỽynt a|dylyant pridyaỽ eu tir gan
genhat y rei hynny os mynnant. Y gyfreith
a|dyweit y dylyant y meibyon uchelwyr cadỽ
arglỽydiaeth a|e haỻtudyon; ual y|dyly y bren+
hin cadỽ arglỽydiaeth a|e aỻtutyon ynteu.
Ac ual yd|a aỻtutyon brenhin yn briodoryon
yn bedwyryd gỽr gỽedy dotter ar diffeith brenhin
| « p 91 | p 93 » |