LlGC Llsgr. Peniarth 32 (Y Llyfr Teg) – tudalen 93
Llyfr Iorwerth
93
ỽynt. veỻy yd ant aỻtudyon y meibyon uchelwyr
yn briodoryon yn bedwyryd gỽr o bydant yn gỽ+
archadỽ tir ydanunt kyhyt a hynny. ac o hyn+
ny aỻan ny|dylyant uynet y ỽrth y meibyon
uchelwyr. kanys priodoryon ynt y·danunt. ac
na|dylyant ỽynteu dỽy briodolder; un yn|y wlat
yd hanffont o·honei. ac araỻ yma. Gỽedy bỽynt
briodoryon ỽynteu; eu tydynneu a edir udunt
herỽyd y|dylyhont. ac eu tir dyeithyr hynny yn
tir sỽch a|chỽỻtyr. O|r myn yr aỻtudyon uynet
y ỽrth eu harglỽydi kyn·no|e bot yn briodoryon;
ỽynt a|dylyant adaỽ hanner eu da udunt. ac os
o|r ynys honn pan hanuydant; ny dylyant tri+
gyaỽ yn vn ỻe y tu hỽnn y glaỽd offa. ac os tra+
mor yd hanuydant; ny dylyant trigyaỽ yma
namyn hyt ar y|gỽynt kyntaf y kaffont vy+
net y eu gỽlat. ac o|r trigyant; ymchoelent ar
eu keithiwet ual|kynt. Ereiỻ a dywedant na
dylyant uynet hyt ar|y trydyd gỽynt. ac os y
mab|uchelỽr a|e gyrr ỽynteu oc eu hanuod kynn
eu bot yn|briodoryon; ny dyly ynteu dim oc eu|da.
K Ynn dỽyn coron lundein a|e theyrnwialen
o|r|saesson; dyuynwal moel·mut a|oed vren+
hin ar yr ynys honn. a mab oed hỽnnỽ y Jarỻ ker+
nyỽ o verch vrenhin ỻoegyr. a|gỽedy diffodi tadỽys
y vrenhinyaeth; y kafas ynteu hyhi o gogeil ỽrth
| « p 92 | p 94 » |