LlGC Llsgr. Peniarth 33 – tudalen 60
Llyfr Blegywryd
60
Tri|rẏỽ dirỽẏ ẏssẏd; vn o|ẏmlad. arall
o|treis. trẏded o|letrat Deudẏblẏc ̷
vẏd dirỽẏ ẏn|llẏs. ac ẏn|llan. os m* ̷+
am·aglỽẏs ac vchellaỽr vẏd. O|ym ̷+
lad a|wnnelher o|vẏỽn mynỽent; pe+
deir punt ar|dec a|telir. Os o|vaes ẏn|ẏ
nodua; seith punt a|telir; Hanner
y|punoed hẏnnẏ a|daỽ ẏ|r abbat os
kyfreithaỽl a|llẏth·ẏraỽl vẏd. ac e+
glỽẏssic. a|ỻẏthẏraỽl. a|r|hanner a+
rall a|daỽ ẏ|r offeireit a|r kẏnnonh ̷+
wẏr a|uwẏnt ẏn gwassanaethu ̷
duỽ ẏno. Y rẏỽ rann honno a vẏd
ẏ·rỽg ẏr abbat a|r kẏn·honnwẏr
o|r ẏmlad a|ỽnel ẏ|naỽdỽẏr a gẏ*+
methỽẏnt naỽd y|gan ẏr abbat
a|r offeirit*; Ac vell·ẏ ẏ rennir pob
peth o|r|a|del ẏ|r sant o offrỽm; Ac
nẏt ẏ allaỽr. nat ẏ|neb arall O ẏ+
mlat a|wnelher ẏn|llẏs ẏ|lle bo eis ̷+
tedua brenhin. distein a|dichaỽnn
bot ẏn|haỽlỽr os ẏr ẏmladỽẏr nẏ
chỽẏnant. kanẏs torri tagnef ẏ
llẏs ẏỽ. Nẏ dẏsgẏn camlỽrỽ o ̷ ̷
| « p 59 | p 61 » |