LlGC Llsgr. Peniarth 36A – tudalen 11v
Llyfr Blegywryd
11v
or byd reit idaỽ talu. O teir fford yd oe ̷+
dir mach a chynnogyn. o glybot corn y
brenhin yn mynet yn lluyd. ac o haỽl
treis. ac o haỽl letrat. Teir mefylỽrya ̷+
eth mach yssyd. gỽadu y vechni ac ef yn
vach. ac adef y vechni ac na allo y chym ̷+
ell. a diebryt mach gỽedy rother. Mach
a dyly dỽyn gauael gyt ar dylyaỽdyr
hyt yn diogel neu talet e| hunan. na chy+
merer gauael y talaỽdyr onyt
y mach ae dyry. Kyt el mach dros ta ̷+
lu. na thalet hyny pallo y talaỽdyr. ny
byd palledic ynteu tra safho ỽrth gyfre ̷+
ith. kyny bo idaỽ namyn tri thudedyn.
ef a dyly talu y deu a chynhal y trydyd
ym pob amser. Mach a watto y vechni
gỽadet ar y seithuet or dynyon nessaf y
werth. Ac os bri duỽ a watta. e hunan
a tỽg vch seith allaỽr kyssegredic. neu
seith weith ar yr vn allaỽr Os y talaỽ ̷+
dyr a watta y mach; gỽadet ar y seith ̷+
uet or dynnyon nessaf y werth. os mach
a watta ran oe vechni ac adef ran arall.
| « p 11r | p 12r » |