LlGC Llsgr. Peniarth 36A – tudalen 37v
Llyfr Blegywryd
37v
kyffro hỽnnỽ perchen y tir bieiuyd. hỽn ̷+
nỽ yn dilys. os ar·diwed ar y tir. Tri ryỽ
prit yssyd ar tir. vn yỽ gobyr gỽarcha ̷+
dỽ. Eil yỽ yr hyn a| rodher yr achwa ̷+
negu tir neu y vreint. Trydyd yỽ llafur
kyfreithaỽl a wnelher ar y tir y bo gỽell
o·honaỽ. Or keis dyn ran o tir gan y ge ̷+
reint gỽedy y bo yn hir alltuded. rodet
wheugeint vdunt yg gobyr gỽarcha ̷+
dỽ or kanhadant idaỽ heb gỽyn.
Pỽy bynhac a wnel brat arglỽyd neu
a wnel kynllỽyn. ef a| gyll tref y tat. ac or
keffir; crogadỽy vyd. Ony cheffir a myn ̷+
nu o·honaỽ gymhot a chenedyl ac ac* ar+
glỽyd. tal deu·dyblyc a daỽ arnaỽ o dir ̷+
ỽy a galanas. ac or kyrch lys y pab a
dyuot llythyr gantaỽ a dangosso y ryd ̷+
hau or pab. tref y tat a geiff. Trydyd
achaỽs y kyll dyn tref y tat. o enkil o·ho ̷+
naỽ y ỽrth y tir oc na allo godef y beich
ar gỽassanaeth a uo arnaỽ. Or dyry
brenhin tir y dyn trỽy gyfreith. ny di+
| « p 37r | p 38r » |