LlGC Llsgr. Peniarth 36A – tudalen 3v
Llyfr Blegywryd
3v
naỽ affeith achỽyssont ynt trỽy y gỽne+
ir y gỽeithredoed hyn trỽy gytsynhyaỽ
yỽ yr holl affeitheu. Rei o·honunt trỽy
olỽc. ereill trỽy weithredoed megys lly ̷+
gatrudyaeth. neu tauaỽtrudyaeth.
neu weithret a uo llei nor mỽyhaf. Sef
yỽ y mỽyhaf; teir colofyn kyfreith.
Kyntaf yỽ o naỽ affeith galanas;
menegi yr llofrud lle y bo y dyn a
vynhei ef y lad. Eil yỽ rodi kyghor y
lad y dyn. Trydyd yỽ discỽyl brat ar y
dyn. Petwyryd yỽ dangos y dyn yr
llofrud a vynhei ef y lad. Pymhet yỽ
mynet yg|kedymdeithas y llofrud pan
el y lad y dyn. Whechet yỽ dyuot y gyt
ar llofrud yr tref y bo y dyn a| ladher
yndi. Seithuet yỽ kymorth y llofrud
o lad y dyn. Vythuet yỽ. arỽydaỽ y dyn
hyny del y dyn ae llatho. Naỽuet yỽ;
etrych ar lad y dyn gan y odef. Dros
pob vn or tri kyntaf or affeitheu ot
adefir. naỽ vgeint aryant a telir. a
| « p 3r | p 4r » |