LlGC Llsgr. Peniarth 36A – tudalen 40r
Llyfr Blegywryd
40r
gan genedyl eu mam. ac ny cheiff vn
o·honunt eistedua arbenhic hyt y| tryded
ach. ac or ryỽ gyniwedi honno y nescir
gỽarthec dyuach y eu talu dros alanas.
ac y dylyir mechni drostunt or mod hỽn.
Os mab yr alltut or wreic honno a lad
dyn. kenedyl y vam a tal yr alanas. ka+
nys nyt oes kenedyl yr alltut y galler
galanas arnunt na dial. Or tyrr llog
ar tir escob. deu hanher vyd yr ennill rỽg
y brenhin ar escob. Os ar tir y brenhin
y tyrr; y brenhin e hunan bieiuyd yr
ennill. Beth bynhac a vyrho mor gym+
laỽd yr tir megys torri llog y brenhin
bieiuyd. Pỽy bynhac a omedho sefyll
ỽrth gyfreith yn llys yg gỽyd y brenhin.
anreith odef vyd. Eil dyn anreith odef
yssyd. fflemaỽr. Trydyd yỽ dyn a latho
kelein kywlat ac ef.
Pỽy bynhac a torro not ar ffin rỽg
deu tir neu dỽy tref. talet gamlỽrỽ
yr brenhin. A phedeir keinhaỽc kyfreith
| « p 39v | p 40v » |