LlGC Llsgr. Peniarth 36A – tudalen 57v
Llyfr Blegywryd
57v
Tri ryỽ varn tremyc yssyd. vn yỽ barn
a| rother yn erbyn dyn nys clywho pan
datganher gyntaf y myỽn llys. nac ym
pell nac yn agos y bei. y righyll a dyly ̷+
ei y alỽ os yn agos y bei. megys y clyỽ+
hei y varn a rodit arnaỽ. Os ym pell y
y* bei y arhos a dylyit hyt pan ym·dan ̷+
gossei yn| y llys or gellit y gaffel ỽrth
gyfreith yn amseraỽl. Eil yỽ braỽt a ro ̷+
ther ar dyn kydrychaỽl trỽy ỽrthrym ̷+
der o pleit y brenhin neu y braỽdỽr neu
wyr y llys. Trydyd yỽ barn braỽdỽr an ̷+
heilỽg. Tri dyn yssyd ny digaỽn vn o+
honunt bot yn vraỽdỽr teilỽg o gyfreith.
vn yỽ dyn anafus. megys dall. neu
vydar. neu glafỽr. neu dyn gorffỽylla ̷+
ỽc. dyn a orffo y rỽymaỽ vn weith
am y ynuytrỽyd. neu dyn ny allo dy+
wedut megys cryc anyanaỽl. Eil yỽ
dyn eglỽyssic rỽymedic ỽrth vrdeu
kyssegredic neu ỽrth greuyd. Trydyd
yỽ lleyc heb allu o gyfreith idaỽ varnu
| « p 57r | p 58r » |