LlGC Llsgr. Peniarth 36A – tudalen 61v
Llyfr Blegywryd
61v
nac yn llan rac y brenhin. dyn a torro
naỽd brenhin yn vn or teir gỽyl arbenhic
yn| y lys. Eil yỽ dyn a ỽystler oe uod yr bren+
hin. Eil yỽ y gỽynossaỽc y neb a dylyo y
porthi y nos honno ac nys portho. Petwy ̷+
ryd yỽ y gaeth.
Tri oet kyfreith y dial kelein rỽg dỽy
genedyl ny hanffont o vn wlat. En ̷+
uynu haỽl yn| y dyd kyntaf or ỽythnos
nessaf gỽedy y llather y gelein. Ac erbyn
pen y pytheỽnos ony daỽ atteb. kyfreith
yn rydhau dial. Eil yỽ or bydant y dỽy
genedyl yn vn gantref. enuynu haỽl
yn| y trydyd dyd gỽedy y llather y gelein.
Ac ony daỽ atteb erbyn pen y naỽuetdyd;
kyfreith a rydha dial. Trydyd os yn vn
gymhỽt. enuynu haỽl yn| y trydyd dyd
gỽedy y llather y gelein. Ac ony daỽ atteb
erbyn y whechet dyd; kyfreith a rydha
dial. Tri thawedaỽc gorsed; arglỽyd gỽir
yn gỽarandaỽ y yneit yn barnu eu kyfrei+
theu. Ac ynat yn gỽarandaỽ haỽlỽr ac
| « p 61r | p 62r » |