LlGC Llsgr. Peniarth 36B – tudalen 61
Llyfr Blegywryd
61
Tri chyfrỽch dirgel a dyly y|brenhin
y gaffel heb y ygnat. gyt ae offeirat.
a chyt ae wreic. a chyt ae vedyc.
Teir notwyd kyfreithaỽl yssyd;
Notwyd gỽenigaỽl y vrenhines.
a notwyd y penkynyd y winaỽ y kỽn
rỽygedic. a notwyd y medyc y win ̷+
aỽ gỽelioed. Gỽerth pob vn or rei
hynny. peteir keinhaỽc kyfreith.
Notwyd gỽreic kyỽrein arall;
keinhaỽc. kyfreith. a|tal. Teir kyfrinach
yssyd well y hadef noc eu kelu;
brat arglỽyd ae golledu. a chynllỽ ̷+
yn. a llad o|dyn y tat. ot adefir yg
kyfrinach. Tri aneueil vn troet ̷+
aỽc yssyd. March. a hebaỽc. a milgi.
Y|neb a torro troet vn o·honunt.
talet y werth yn gỽbyl. Tri phren
a dyly pob adeilỽr maestir y gaffel
y gan y neb pieiffo y coet mynho
| « p 60 | p 62 » |