LlGC Llsgr. Peniarth 38 – tudalen 10v
Llyfr Blegywryd
10v
e|hunan neu dros arall nys rodho.
ansaỽd balaỽc yỽ bot y neill pen idaỽ.
yn rỽym a|r llall yn ryd. ac ỽrth hynny
o|r kymer haỽlỽr ffyd y talaỽdyr ar
talu y dylyet. a ffyd y mach ar gymhell
y talaỽdyr y talu; pop vn o·honunt a
dyly gỽrtheb o|r dylyet y|r haỽlỽr. Ony
chymer onyt ffyd vn ohonunt. ny dyly
onyt vn atteb idaỽ. heuyt o|r dyry ma+
ch ffyd y|r haỽlỽr ar gymell idaỽ. ef a
dyly atteb idaỽ o|r dylyet oll. kyny|chy+
merho ffyd y talaỽdyr. Gỽedy del oet
dyd y talu. y mach a dyly oet dyd y gy ̷+
farch y talaỽdyr. O·et mach y paratoi
tal o|r byd reit idaỽ talu; vn dyd ac ỽy ̷+
thnos. O teir fford yd oetir mach a|chy ̷ ̷+
nnogyn. o glybot corn y brenhin yn my ̷ ̷+
net yn|y luyd. ac o haỽl treis. ac o ha+
ỽl ledrat. Mach a|dyly dỽyn gafel gyt
| « p 10r | p 11r » |