Breudwd Rhyddiaith Gymraeg 1300-1425
English

LlGC Llsgr. Peniarth 38 – tudalen 46v

Llyfr Blegywryd

46v

naỽc y ki a|dyly talu gỽerth gỽaet y brathedic. ac o|r
llad y brathedic y ki heb symut odyno; ny|cheiff o  ̷ ̷+
nyt vn ar|pymthec dros y|ỽaet O r kyrch ki ar
dyn; dodet yr aryf a vo yn|y laỽ yrydaỽ a|r ki. ac o|r
a y ki ar yr aryf hyny lader; ny|telir dim drostaỽ. ~ ~ ~
Ki kynefodic a|rỽycco dyn teir gỽeith neu tri dyn.
ac na|s llado y|arglỽyd yna; y|rỽymaỽ a|dylyir y|ar  ̷ ̷+
glỽyd a raff o dỽy ryỽhant. ac yno y|lad. a|thalet y
arglỽyd gamlỽrỽ. ~ ~ ~ ~ ~  
N y|thelir na dirỽy na|chamlỽrỽ am neb adein  ̷+
haỽc dof. a|lader neu a|dyccer ledrat. namyn talu y
ỽerth y|r perchennaỽc. Y neb a|dycco nyth hebaỽc; ta  ̷+
let punt y|r|brenhin Gỽerth hebaỽc coch kyn mut;
ỽheugeint. O|r byd gỽen gỽedy mut; punt a|tal.
Gỽerth hỽyedic; pedeir ar|hugeint. Nyth llamys  ̷ ̷+
ten; pedeir ar|hugeint. yn goch; deudec keinhaỽc.
O|r byd gỽen gỽedy mut; pedeir ar|hugeint a|tal.
M Odrydaf gỽenyn; pedeir ar|hugeint a|tal. ky  ̷ ̷+
nheit; vn ar|pymthec a|tal. Eil|heit; deudec
keinhaỽc. Tryded heit; ỽyth|keinhaỽc. heit a|del o|r