LlGC Llsgr. Peniarth 38 – tudalen 50v
Llyfr Blegywryd
50v
y|neb a|dyscer velly. neu a|vo|kyfarỽyd y|myỽn kyf ̷ ̷+
reith. ac a|tygho na varnho kam yn|y vyỽyt Tri
pheth yn*|y vraỽtỽr. vn yỽ dillỽg kyfarcheu ỽrth
reit y brenhin. Eil yỽ datganu a|dosparth kynhen ̷+
neu y|myỽn llys. Trydyd yỽ yr hyn a dospartho
trỽy varn; y gatarnhau trỽy ỽystyl. a|braỽtlyfyr
o|r ymỽystlir ac ef. neu oe* gofyn y|brenhin idaỽ heb
ymỽystlaỽ ac ef. O deruyd rodi braỽt y dyn. ac a+
mheu y vraỽt o|r neb y barnỽyt idaỽ mal y bo dir
y|r neb a|e barnỽys; y deturyt. a|bot llaỽer o yg+
neit ỽrth y|barnn. a bot amrysson pỽy a|dylyo y
deturyt ae paỽb ohonunt ae vn. kyfreith a|dyỽeit
o|r byd ygnat llys ỽrth y barnn; ef a|dyly y|deturyt.
ony byd ef; ygnat y|kymỽt a|e datuer. Ony byd
hỽnnỽ; yr ygnat a|e datganaỽd gynt; a|e datgan
yna o gyfreith. sef achaỽs yỽ. rac anundeb rỽg
yr ygneit. a|dyỽedut o|r gyfreith mae naỽuet dyn
a gredir y|tystolyaeth e|hun yỽ braỽtỽr am y bra ̷+
ỽt rỽg dỽy pleit o|r byd amrysson yrydunt. Ny
ellir heuyt ymỽystlaỽ am vraỽt onyt a|r neb a|e dat+
| « p 50r | p 51r » |