LlGC Llsgr. Peniarth 38 – tudalen 62r
Llyfr Blegywryd
62r
lledrat fford y|kerdho ranohonaỽ. kanys naỽ affeith ys ̷ ̷+
syd idaỽ.Eil yỽ hyd brenhin. y neb a|e kyllello. Trydyd yỽ
abo bleid y neb a ỽnel kamymdanaỽ Tri|pheth a|tyrr
ar gyfreith.amot a|defaỽt gyfyaỽn ac agheu Tri edyn
ny dylyir eu llad ar tirdyn arall heb y genhat. eryr. a|gar+
an. a|chicuran.y neb alado vn ohonunt; talet dec a|deu v ̷ ̷+
geint y perchenaỽc y tir. Tri|pheth o|r keffir ar fford nyt
reit atteb y|neb ohonunt. pedol. a|notỽyd. a|cheinaỽc
Tri dyn ny dyly ybrenhin eu gỽerthu. lleidyr gỽedy
barner y groc. a|chynllỽynỽr. a|bradỽr arglỽyd. Tri enỽ
righill yssyd; gỽaed gỽlat. a|garỽ gychỽedylgỽas kygh ̷ ̷+
ellaỽr. a|righyll. Tri ergyt ny diỽygir; y garỽ yn yt. ac
y gi yn yt. ac y ebaỽl gỽyllt yn yt. Tri|chyfrỽch dirgel
a|dyly y brenhin y gaffel heb y ygnat. gyt a|e offeirat. a|ch ̷+
yd a|e ỽreic. a|chyt a|e vedic. Teri notỽyd kyfreithaỽl
yssyd. notỽyd gỽenigaỽl y vrenhines. a notỽyd y|medyc
llys. y|ỽniaỽ y gỽelioed. a notỽyd y|penkynyd y ỽniaỽ y
kỽn rỽygedic. pedeir keinhawc. kyfreith. a|tal pop vn o hynny.
notỽyd gỽreic kyỽrein arall. keinhawc. kyfreith. a|tal. Teir
kyfrinach yssyd ỽell eu hadef noc eu kelu. brat arglỽyd
a|e golledeu. a|chynllỽyn. a llad o|dyn y|tat o|radefir yg
kyfrinach. Teir sarhaet kelein ynt panlader. pan ys+
| « p 61v | p 62v » |