LlGC Llsgr. Peniarth 46 – tudalen 13
Brut y Brenhinoedd
13
ac y|gellynt. ac wedy bot yn|y wed hon+
no y gossodet rei diflin yr ymlad y
nos hyt tra vei y rei lludedic o ymlad y
dyd yn gorffỽys. a|rei ereill a|ossodit y
gadỽ y pebylleu rac o·uyn kyrch deissyfyt
y gann eu gelynnyon. ac o|r parth arall
yd oed ỽyr y|ty ynn gỽrthỽynebu y|peir+
anhev hỽyntev yn oreu ac y|gellynt ỽers
a saetheu. wers arall o|vỽrỽ brỽnstann
todedic am eu pennev. ac yna gỽedy gos+
sot o|ỽyr groec hỽch ydan y|ty. Sef a|ỽna+
ethant hỽyntev bỽrỽ dỽfyr brỽt a|than
gỽyllt am eu penn o|r ty. ac velly y|gyr+
ru y ỽrth y|ty. ac eissoes o eisseu bỽyt.
a|pheunydaỽl ymlad yn eu blinhaỽ.
anuon kennadev a|ỽnaethant hyt att
vrutus y erchi canhorthỽy am|rydit
vdunt. kanys oed ouyn gantunt eu gỽa+
hanu o eisseu ymborth. a|goruot arna ̷+
dunt rodi y ty. a gỽedy menegi hynny
y|vrutus. medylyaỽ a|ỽnaeth pa ỽed y|gall+
| « p 12 | p 14 » |