LlGC Llsgr. Peniarth 46 – tudalen 162
Brut y Brenhinoedd
162
ac gỽedy gỽybot o·nadunt mynet
gỽyr ruuein ymdeith hep obeith y|ym+
hoelut byth dracheuen ehofuynach
y|distryỽassant ỽynteu y|mur. ac yna
y|gossodet y|bileinllu diaruot ar|ym ̷ ̷+
lad. paraỽt y fo pei lleuessynt yn|y her+
byn. ac ny orffỽyssei eu gelynnyon
o uỽrỽ ergydyeu yn eu plith. ac o|uỽ+
rỽ bacheu gỽrthuinyaỽc ỽrth linnyn ̷+
neu. ac uelly tynnu y|truein uileinllu
o|r kestyll a|r keyryd attaunt hyt y|lla+
ỽr. a|thrỽy amraual boeneu y gorffen+
hynt eu hagen. a|digaỽn o|didan oed
gann y|neb a gaffei y|ryỽ agheu honno
arnaỽ rac y|ryỽ amryỽ boeneu a|ỽel ̷+
ynt y|ỽneuthur ar eu kereint ynn|y
gỽyd. Oia duỽ maỽr a|beth yỽ gỽel ̷+
et dỽyỽaỽl dial ar|y|bopyl am|y|hen
bechodeu. Canys pei bydynt yna y|sa+
ỽl uarchogyon a|duc maxen gantaỽ o|e
ynuyttrỽyd ny deuei ormes byth y ynys
| « p 161 | p 163 » |