LlGC Llsgr. Peniarth 46 – tudalen 256
Brut y Brenhinoedd
256
a|wnaeth y brenhin. idaỽ kyghor trỽy yr hỽn.
y caffei ef Eigyr vrth y gynghor. ac gỽe ̷+
dy gỽybot o Myrdin y caryat ef ar y wreic
y dywaỽt ual hyn. arglỽyd heb ef O|r ̷ ̷
Mynny cael y wreic vrth dy|uynnu. Reit
yỽ it arueru o keluydodeu newyd. ny
chlywyspỽyt eiroet y|th amser di. Ca ̷+
nys Mi a|ỽn geluydyt y gaỻaf i rodi ̷ ̷
drych Gorleis arnat ti. hyt na bo neb
a|ỽypo na bo gorleis uych ti. ac a|rith ul ̷+
ffin yn rith Jỽrdan o tindagol gwas ysta ̷+
ueỻ gorleis. a|Minheu a|gymeraf drych
araỻ arnaf ac a|deuaf ygyt a|chwi. ac
y·ueỻy y geỻy uynet yn dipryder y casteỻ
tindagol a|chael y wreic. a|gorchymyn
a|wnaeth y brenhin. y annỽyleit ymlad a|r
casteỻ yn da. ac ymrodi a|wnaeth yn ̷+
teu y keluydodeu Myrdin. ac yna y rithỽys
Myrdin y brenhin. yn rith Gorleis. ac ulffin yn drych
iỽrdan. ac ynteu e|hun yn rith brithael araỻ
Megys nat oed neb o|r a|e gwelhei a ỽyppei
na bei y|gwyr hynny uydynt yn eu gwir drych.
a chymryt eu hynt a|wnaethant. a|phan oed kyf ̷+
liỽ gỽr a ỻỽyn y doethant yno. ac|gỽedy Menegi y|r
| « p 255 | p 257 » |