LlGC Llsgr. Peniarth 46 – tudalen 337
Brut y Brenhinoedd
337
hin ar ynys. prydein. oll ỽedy hynny. ac yn|y ei+
daỽ lundein. a gỽedy cadarnnhau hynny
yrydunt y|bu gymeint garyat. a duun+
dep yrydunt. a megys pob peth yn greffre+
din yrygtunt. ac yna y deholes edelflet
y|ỽreic priaỽt y|ỽrthaỽ o|garyat arall hyt
na|s gadỽys yn|teruyn y gyuoeth ef. a|be+
ichaỽc oed y|ỽreic. a|chyrchu a|oruc hi at
gaduan. ac adolỽyn idaỽ y|chymot hi a|e
gỽr. a gỽedy na allỽys ef eu kymot. rodi
trỽydet idi a|oruc yn|y lys e|hun. a gỽreic
catuan heuyt a|oed yn ueichaỽc. a|phann
deuth eu|hamser y|ganet deu uap udunt. ac y|do+
det catỽallaỽn ar|uap catuan. ac edỽin ar
uap edelflet. a gỽedy eu meithrin ygyt y+
ny oedynt ỽeisson maỽr. eu|hanuon a|ỽna+
ethpỽyt ar selyf urenhin llydaỽ y|dyscu
moes. a|milỽryaeth. a|chyureitheu llys.
a gỽedy eu haruoll yn llys selyf. kymeint
uu eu caryat ar|yspeit uechan gann y|bren+
hin. ac nat oed nep o|e kyuoedon mor gare+
dic ac ỽynt. a|chyt a|hynny nyt oed neb
kyffelyp ac ỽynt y|milỽryaeth. ~ ~ ~ ~
| « p 336 | p 338 » |