LlGC Llsgr. Peniarth 46 – tudalen 45
Brut y Brenhinoedd
45
Bleidud. Jago. Bodlan. Kynngar. Yspla+
den. Gỽaỽl. Dardan. Eidal. Juor. Hector.
kyngu. Gereint. Run. asser. Hywel. Sef
oedynt y|verchet. Gloyỽgein. Jgnogen.
Eudaỽs. Gỽennlliant. Gỽaỽrdyd. Ygha+
rat. Gỽenndoleu. Tanghỽystyl. Gorgon.
Medlan. Mechael. Ecup. Nest. Kein. Sta+
dut. Ebren. Blangen. aualach. annga ̷ ̷+
es. Galaes. teckaf morỽyn oed honno yn
vn oes a|hi. Gỽeiruul. Perỽeur. Eurdrec.
Edra. Anor. Staydallt. Aegron. a|r rei
hynny oll a anuones efuraỽc hyt at sil ̷ ̷+
uius y gar oed vrenhin yn|yr eidal. ac y|ro+
det yno y ỽyr bonhedigyon dylyedogyonn.
a|r meibon a aethant y germania. ac asser
yn|tyỽyssaỽc arnadunt. a|phorth y|gann
siluius gantunt. ac y|goresgynassant yn gỽ+
byl. a brutus taryanlas a|trigyỽys
yn|yr ynys honn. ỽrth lyỽaỽ kyuoeth y
dat. a deudec mlyned y gỽledychỽys y
brutus yma ỽedy y|dat. ~ ~ ~
| « p 44 | p 46 » |