LlGC Llsgr. Peniarth 46 – tudalen 54
Brut y Brenhinoedd
54
chogyon yn kytgerdet a|mi pann vydỽn
yn ymlad a|r kestyl. a|r dinesseyd*. ac yn
anreithaỽ vy|gelynyon. No diodef y poen
a|r yghenoctit a|ỽnaeth y|gỽyr hynn ynn
y rei a uydynt yna dan uyn traet. Oi a
dỽyeu nef a|dayar pa bryt y|daỽ yr amser
y gallỽyf ui talu yn|y gỽrthỽyneb y|r gỽ+
yr hynny. Och Gordeilla uyg|karedic
uerch i mor ỽir yr ymadraỽd a|dyỽeisti
panyỽ ual y bei uy|gallu. a medyant a|m
kyuoeth y carut ti ui. ac ỽrth hynny tra
uu uyg|kyuoeth ymi. a gallu rodyonn
paỽb a|m carei. ac nyt mi hagen a|gerynt.
namyn uyn da. a phann gilyỽys y rei h
hynny y kilyassant hỽynteu. ac ỽrth
hynny py ffuryf y gallaf ui rac keỽilyd
adolỽyn nerth y gennyt ti ỽrth ry|sorri
yn gam ohonaf ui ỽrthyt ti am dy doe+
thineb di. a|th rodi y|ỽr yn tremygedic
gann tebygu bot yn ỽaeth dy diỽed di
noc un o|th chỽioryd. a thitheu yn ỽell
| « p 53 | p 55 » |