LlGC Llsgr. Peniarth 46 – tudalen 93
Brut y Brenhinoedd
93
di y|baỽp eur ac aryant. a thlysseu. a
bodlonhau y|dylyedogyon. a gỽneuthyr
paỽb yn uodlaỽn idaỽ. a|e dỽyn yn un ̷
ac ef. ac adaỽ y|baỽp eu breint a|e dyly+
et. a|e rydit. o|r a|e collassei. a|r gỽr oed
gynt an·trugaraỽc megys lleỽ dyỽal
yn treissaỽ. yna yd oed megys oen gỽare+
daỽc yn adaỽ eturyt pob peth dracheuen.
ac ny orffỽyssaỽd yn tagnedu uelly yny
duc oll ỽy yn un ac ef. ac yn|yr amsser
hỽnnỽ nyt oed ymdidan onyt am ffo ul+
kassar. a goruot y|bryttannyeit. ~ ~ ~ ~
Ac ym·penn y dỽy ulyned eilỽeith pa+
ratoi llyges a|ỽnaeth ulkassar y|geissaỽ
dial ar Cassỽallawn. y|sarhaet a|ỽnaethoed
idaỽ. a|phann gigleu Casỽallawn hynny. cat+
darnnhau y kestyll a|ỽnaeth. ac adeilat
ereill o|neỽyd. a gossot keitỽeit kadarnn
ympob porthua yn. ynys. prydein. a pheri gỽneuthur
sycheu heyrrn plymedic ar|hyt canaỽl
temys. a rei hynny ỽrth gadỽyneu heyrn
| « p 92 | p 94 » |