Llsgr. Philadelphia 8680 – tudalen 48r
Brut y Brenhinoedd
48r
109
o|r brytanyeit y uudugoly+
aeth honno. ỽynt a|anuon+
assant y karcharoryon hyt
ym|paris. A|r rei a|dalyassant
o newyd ỽynt a|e hymchoe+
lassant att arthur eu bren+
hin o|e|dangos gan adaỽ go+
beith hoỻ uudugolyaeth
idaỽ. Kanys niuer mor uy+
chan a|hỽnnỽ a geỽssynt
uudugolyaeth ar y saỽl e+
lynyon hynny. ~ ~ ~
A Gỽedy gỽelet o|les am+
heraỽdyr ruuein me+
int y goỻet ar|dechreu y ry+
uel. trỽm a thrist uu gan+
taỽ a medylyaỽ a|oruc peidy+
aỽ a|e darpar am ymlad ac
arthur. a|mynet y dinas
aỽuarn y arhos porth o ne+
wyd attaỽ y gan leo amher+
aỽdyr. A gỽedy caffel o+
honaỽ hynny yn|y gyghor.
Y nos honno ef a|aeth hyt
yn legris. a gỽedy menegi
hynny y arthur. Ynteu a
110
raculaenỽys y fford ef.
A|r nos honno gan adaỽ
y dinas ar y ỻaỽ asseu idaỽ.
ef a|aeth hyt y|myỽn dyff+
ryn y fford y kerdei les
amheraỽdyr a|e|lu. ac yno
y mynnỽys ef bydinaỽ y
wyr. Ac ef a|erchis yno
rud iarỻ kaer loyw. kym+
ryt attaỽ ỻeg o|wyr. a|my+
net ar neiỻtu yg|gỽersyỻ.
A phan welei uot yn reit
ỽrthunt dyuot yn ganhor+
thỽy. Ac odyna y niuer
oỻ y am hynny a rannỽ+
ys yn naỽ bydin. ac ym
pob bydin o|r naỽ chwegỽyr
a|chweugeint a chỽechant
a chỽemil. A|r rei hynny
yn gyweir o bop arueu.
a|r ran o bop bydin yn uar+
chogyon. a|r rann araỻ yn
bedyt. a thywyssogyon y
dyscu pob bydin yn|y bla+
en. Ac y|r uydin gyntaf
y rodet araỽn uab kynuarch
| « p 47v | p 48v » |