Llsgr. Amwythig 11 – tudalen 100
Ystoria Adda, Y Groglith
100
o ẏmadraỽd proffỽydolẏaeth kymerỽch
ẏ pren ẏssẏd ẏn ẏstlẏs ẏr auon ẏn gorỽ+
ed a gwneỽch o·honaỽ groc ẏ urenhin
yr idewon A mẏnet a|orugant hỽynteu
a thorri ẏ trẏdẏd ran o|r traỽst nẏt am+
gen seith cufud a|thri cufud ẏn|ẏ vreich
a vydei ar draỽs Ac ẏ dugant hyt ẏ lle a
elwir caluarie Ac ar honno ẏ crogyssa+
nt yn arglỽyd ni Jessu crist ẏr iechyt
y|r saỽl a|e cretto ẏn ẏr hon y mae anr+
ẏded a gogonẏant tragẏwẏd *llyma y
diodeifeint val y traythwys Mathew
A ỽdoch chỽi heb ẏr Jessu mae wedy
dẏd y byd ẏ pasc ỽrth ẏ discẏblo+
n ac ef a|rodir mab dyn o|e grogi ẏna ẏd
ymgynnullassant tẏwẏssogẏon yr effeire+
it a heneif ẏ bobẏl hẏt ẏn llẏs kaiffas Ac
ymgyghor a|orugant am dala Jessu o urat
a|e lad a dẏwedut a orugant na wedei
ẏn dẏd gỽẏl rac bot kẏnỽrẏf ẏn|ẏ
The text Y Groglith starts on line 11.
| « p 99 | digital image | p 101 » |