Llsgr. Amwythig 11 – tudalen 58
Pa ddelw y dylai dyn gredu i Dduw
58
ẏn dẏd gỽẏl a ỽahardo ẏr eglỽẏs canys ẏn|ẏ
dẏdẏeu arbynic hẏnnẏ ẏ dẏlẏ dẏn ỽediaỽ
a gỽneuthur gỽeithretoed ẏ trugared.
Petỽẏrẏd geir dedẏf ẏỽ Enrẏdeda dẏ tat
a|th vam ẏn|ẏ geir hỽn ẏd eirch duỽ ẏ dyn
ỽneuthur diỽall wassanaeth trỽẏ vuull+
taỽt ac enrẏded ẏ tat a|e vam a|r kẏffe+
lẏb ỽassanaeth ac enrẏded a dẏlẏ dẏn ẏ ỽneuthur
brelat a|e beriglaỽr ac ẏ tat knaỽdaỽl
a|e vam. Pẏmet geir dedẏf ẏỽ Na lad
gelein ẏn|ẏ geir hỽnnỽ ẏd eirch duỽ ẏ dẏn
na lado a|e|laỽ nac o|e arch nac o|e gẏgor
nac o|e annoc nac o|e ẏstrẏỽ nac o gẏt+
sẏnnẏaỽ ẏn rodi ehofntra o amdiffyn
lleidẏat ac ẏn|ẏ geir hỽn ẏd eirch duỽ
na ỽnel dẏn argẏỽed ar gorff dẏn arall
o|e taraỽ neu ẏ dolurẏaỽ neu ẏ gar·cha+
ru Ac ẏn|ẏ geir hỽn ẏd eirch duỽ na dẏc+
ker ẏmborth na da dẏnẏon tlotẏon tr+
ỽẏ gamwed ac na atter ẏ dẏnẏon tlodẏ+
« p 57 | digital image | p 59 » |