Caergrawnt, Llsgr. Coleg y Drindod O.7.1 – tudalen 4r
Llyfr Blegywryd
4r
eisseu. Gỽerth pob etiued arall or
a perthyno ỽrth y teyrnas yỽ tray+
an gỽerth y brenhin. Ac velly gỽerth
sarhaet pob vn o·honunt. heb eur
a heb aryant. Y brenhin bieu rodi
yr etlig y holl treul ae holl gyfreideu.
yn enrydedus. y letty yỽ neuad y
brenhin. A chyt ac ef y bydant y* byd*+
ant y maccỽyeit. Y kynnudỽr a dyly
kynheu tan yr etlig. A chau y drysseu.
gỽedy yd el ef y gyscu yn diogel. An+
cỽyn a geiff yn diuessur. kanys di+
gaỽn a dyly. Tri ryỽ dyn yssyd;
brenhin. a breyr. a bilaen. ac eu hae+
lodeu. Aelodeu brenhin ynt. y rei a
perthyno ỽrth vrenhinaỽl vreint.
kynys pieiffont. Ac o·honunt oll;
brenhinolaf yỽ yr etlig. kanys ef
a leheir yn|y lle y gỽrthrychir teyr+
nas o·honaỽ ỽrth gyfeistydyaỽ llys.
Eissoes or pan gymeront tir; eu breint
a vyd ỽrth vreint y tir a gynhalyont.
Peidaỽ weithon a|wnaỽn a chyfreitheu
| « p 3v | p 4v » |