Caergrawnt, Llsgr. Coleg y Drindod O.7.1 – tudalen 8v
Llyfr Blegywryd
8v
a torro y ty. neu vuarth. Whechet yỽ
erbynyaỽ yr hyn a dycker yn lledrat.
Seithuet yỽ; kerdet dyd neu nos gyt
ar lledrat. vythuet yỽ kymryt ran or
ledrat. Naỽuet yỽ kelu y lledrat ar y
lleidyr. Holl affeitheu gỽeithret o
affeitheu galanas. neu losc. neu ledrat.
dirỽyus vyd pob vn o·honunt Tauaỽt ̷+
rud. A llygatrud heb weithret llaỽ
neu troet. camlyryus vyd. Tal dros
affeitheu galanas a uỽynt gyfadef y
ryeni a chyt·etiuedyon y lladedic y telir.
o gyfreith or cỽynant ymdanaỽ. Ac ef
a dylyir talu reith vdunt ỽy ac yr ge ̷+
nedyl val kynt. y diwat llofrudyaeth
os gofynnant. neu talu galanas vdunt
Y neb a differo da rac lladron ar tir ny
phieiffo; trayan y gobyr diffryt a geiff
arglỽyd y tir. Gỽerth lleidyr a werther;
seith punt yỽ. Or daỽ lleidyr att of ̷+
feirat y adef ac y enwi y|gedymdeithon
am ledrat. A thygu hynny ar drỽs y
vynwent. Ac ar drỽs y cor heb erchi
eu|kelu
| « p 8r | p 9r » |